اخدت فلبى
_______
واخدت قلبى ومشيت
وقلت سلامات. !
سلام على عيونك السارحين
ف بكرة اللى صبح ماضى
سنين فاتت ومش راجعين !
سلام على حلمك ..الباكى
ف وسط الزحمه
تاه منك. .
وخطواته ..انين ..فى انين
********
سلام على ضلك ..اللى مال عنك
تحت شمس الخوف
وقت عصر زمانه مش زمنك
بامكانك....تفتش عن السر
ولساك واقف محلك.. سر ..
تتمنى ...
وسنين عمرك تضيع منك
وتستنى
.عروس البحر
جايه لك . بسحر الموج
وجايبه لك عصا موسى
تشق البحر ...
وتلقى طريق
تحود منه ع الجنه
وتلقى الحب
طير فارد.. جناحه
على بابها بيستنى
******
سلام على قلبك الغاوى
يرص كلام .. يقول حواديت
لحد امتى ؟
تعيش ناوى ..ومش ناوى
تقول
اللى الكلام. ما قالوش
ولا المعن ما عرفوش
تقيله عليك كل الخطاوى
سارح في ليل الغناوى
وجرح .. الحكاوى
********
بحر الهوى ده. غريق
واللى على بره ..عواام
والحب. قاتل. طليق
وانت عاشق.
شهيد. الغرام
كلمه وقالوا. زمان
ما على العاشق..ملام !
#. /. ( شمس الاصداف ) مريم
ليست هناك تعليقات:
إرسال تعليق