مع اعتذارى للغتنا العربية الفصحى كتبت بالعامية :
بحبك يا بت انت
وبحب ما فيك
لو يسألونى لقلت
انت الهوى كله
وانت الهنا كله
وانت الجمال كله
وانت الحلا كله
يا فجر أيامى
يا عطر أنسامى
يا ورد على غصنه
يا عطر باريسى
يا نسمتى الدافية
بالصحة والعافية
تصحى .. أموت فيك
تيجى .. ادوب فيك
يا حتة من قلبى
يا عمرى يا حبى
صباحك الوردى
مطبوع فى قلبى
أحلى صباح ليكِ
يا نسمة عطرية
يا نغمة شرقية
بسمعها فى ودانى
واقولها من حبى
للقاصى والدانى
ومعاك روحى تروح
مع الهوى والبوح
وبترجعى تانى
يا فرحى وأمانى
واشتاق لأنفاسك
تهزى لى راسك
وتقولى يا بدرى
لسه عليك بدرى
تعيش فى فكرى
يا حبى يا قدرى
تسلملى يا عمرى
يا كل إحساسى
" بقلمى : بــــدر "
