لسه فاكر ؟
********
وكنت كفرت بالحب عن يقين
عن إيمان
وقلت أنساه ..زى ما نسانا ..الزمان
جاى دلوقتى ..تعيد اللى كان ؟
لسه فاكر ..؟
فاكر ايه ؟
لما قلبك كان مسافر ويا.. قلبى
..مرة.. .. رحله للقمر
أيوة فاكر
فاكر انت قلت ايه ؟
قلت ..فى عينيكى باسافر
..زى عاشق حاضن النجمه بأيديه
لسه فاكرة ؟
فاكرة ايه ..؟
فاكرة لما يوم مشينا ..نحضن الشمس ف عيننا
والزمن قال ايه ؟. ناسينا
واحنا توهنا.. بين ايديه
أيوة فاكرة ..
فاكرة يومها قلتى ايه ؟
قلت مش ..ح اسيبك
لو كنوز الدنيا اتجمعت تحت رجلى
ح ادوس عليها ..لأجل نظرة من عينيك
لسه فاكر ة. ؟
فاكرة ايه ؟
فاكرة لما كانت كفوفنا مشبكه زى أغصان الشجر !
ايوه فاكرة
بس دى كانت قلوبنا ..مش كفوفنا !
...انت دايما تنسى ليه ؟
عمرى. ما انسى....
ضحكتنا تلف الكون تحكى قصتنا..
لشوق سهران على رموشك
وليل سايل..على كتافك
يعاند الليل .. بوشوشة قمر على جفونك
يطيع الكون قوام .سحرك
..يهاود القدر ..طيفك
والزمن عامل ناسى ..ومش ناسى
أيوة فاكرة ومش ناسيه
لسه فاكر ؟
أيوة فاكر ومين ينسى
ومين يقدر فى يوم ينسى
غدر الزمن لما يقسى ..حد بيدور عليه ؟
تعبتى قلبى وماشى بيكى
حمل حبك فوق.. كتافى
وناسى.. روحى
أيوة فاكرة ..
بس على فكرة
قلوبنا لسه بريئه تشبه عيون الحقيقة
فى ظلمه الباطل
..اللى عرف الحب صعب .يقسى
أيوة عارف ! ..بس
على غصن شوقك عششت
تعالى
نكمل حلمى اللى ضاع
لحدودك أنا عديت ..عدى انتىةلحدودى
رديت وقلت :_
هى دى حدودى
مقفوله قدامك كل البيبان
حتى شباك الحنان .
ماعندى ..لك شئ يباع
عمرى ..اللى ضاع .....علمنى
كفر..الهوى....عن اقتناع
؛؛؛ لسه فاكر ؟
#_/. شمس الاصداف
ليست هناك تعليقات:
إرسال تعليق